ԿԼՈՐ ՍԵՂԱՆ ԱՇԽԱՏԱՎԱՅՐՈՒՄ ԱՌՈՂՋ ԵՎ ԱՆՎՏԱՆԳ ՊԱՅՄԱՆՆԵՐԻ ԱՊԱՀՈՎՄԱՆ ՄԱՍԻՆ ԱՄԿ ՆՈՐ ՀԻՄՆԱՐԱՐ ԿՈՆՎԵՆՑԻԱՆԵՐԻ ՎԵՐԱԲԵՐՅԱԼ

Դեկտեմբերի 8-ին Երևանի Yerevan Place հյուրանոցում մեկնարկեց երկօրյա կլոր սեղանը ԱՄԿ ներկայացուցիչների, ՀԱՄԿ-ի և ճյուղային հանրապետական միությունների նախագահների մասնակցությամբ՝ նվիրված աշխատավայրում առողջ և անվտանգ պայմանների ապահովման վերաբերյալ ԱՄԿ նոր հիմնարար կոնվենցիաների վավերացման և կիրառման կարևորությանը, ինչպես նաև այդ գործընթացում Արհմիությունների դերին։
Ողջույնի խոսքով հանդես եկան ԱՄԿ գրասենյակի Եվրոպայի և Կենտրոնական Ասիայի հարցերով բաժնի ղեկավար Սերգեյուս Գլովացկասը, Արժանապատիվ աշխատանքի հարցերով տեխնիկական աջակցության խմբի տնօրենի տեղակալ Միխայիլ Պուշկինը, ԱՄԿ Աշխատավորների գործունեության գծով ավագ մասնագետ Գոչա Ալեքսանդրիան, ինչպես նաև ՀԱՄԿ նախագահ Էլեն Մանասերյանը։
Սերգեյուս Գլովացկասը ներկայացրեց 2022թ․ ԱՄԿ 110-րդ Աշխատանքային միջազգային համաժողովում ընդունված որոշումները՝ անդրադարձ կատարելով տարածաշրջանի տարբեր երկրներում տիրող իրավիճակին և առանձնահատկություններին։
ՀԱՄԿ նախագահ Էլեն Մանասերանը խոսեց ՀՀ-ում Սոցիալական գործընկերության մասին՝ ծանոթացնելով վերջին տարիների զարգացումներին, օրենսդրական կողմին, ինչպես նաև հանրապետական և ճյուղային մակարդակներում առկա մարտահրավերներին։
«Ցավոք, սոցիալական գործընկերությունը հետընթաց է ապրում Հայաստանում վերջին տարիներին։ Մեր գործողություններն ու ջանքերը ուղղված են իրավիճակը փոխելուն և գործընկերությունն, ի վերջո, կյանքի կոչելուն», - նշեց նա։
Գոչա Ալեքսանդրիան հանդես եկավ բանախոսությամբ՝ ի լրումն ԱՄԿ 4 հիմնարար կոնվենցիաների՝ N155 և N187 նոր հիմնարար կոնվենցիաների մասին, որոնք վերաբերում են առողջ և անվտանգ աշխատանքի պաշտպանության քաղաքականությանը։
«Աշխատակիցների առողջությունն ու անվտանգ աշխատանքային պայմանները յուրաքանչյուր գործատուի համար ներդրում պիտի համարվեն, քանի որ հանդիսանում են հաջող գործունեության և արդյունավետ աշխատանքի հիմքը», - շեշտեց Գոչա Ալեքսանդրիան։
Կոնֆերանսին տեսազանգով միացավ նաև ԱՄԿ փորձագետ Վիկտոր Հյուգո Ռիկոն՝ ներկայացնելով աշխատավայրում առողջ և անվտանգ պայմանների ապահովման միջազգային ստանդարտները։
«Համակարգային լուծումները անհրաժեշտություն են։ Ազգային քաղաքականություն, ազգային համակարգ, ազգային ծրագիր՝ ահա այն երեք հիմնական ռազմավարական սյուները, որոնց վրա պիտի հենվի կոնվենցիաների վավերացման և կիրառման գործընթացը, իսկ դրան նպաստելու ճանապարհին շատ մեծ է արհմիությունների դերը», - նշեց Վիկտոր Հյուգո Ռիկոն։
Հագեցած օրվա ամփոփիչ հատվածում քննարկում ծավալվեց Հայաստանում առկա իրավիճակի մասին։ Հնչեցվեցին առկա խնդիրները, ինչպես նաև դրանց լուծմանն ուղղված առաջարկություններ։ 
Կլոր սեղանի երկրորդ օրը սպասվում է նաև հանդիպում ՀՀ կառավարության և Ազգային ժողովի ներկայացուցիչների հետ։

Վերջին նորություններ

Արհմիութենական սպորտ 2024

Հայաստանի արհմիությունների կոնֆեդերացիան մարտի 7-10-ը Ծաղկաձորում կազմակերպել էր "Արհմիութենական սպորտ 2024" խորագրով արհմիութենական-սպորտային միջոցառ…
26/03/2024

ԵՄ-Հայաստան Քաղհասարակության պլատֆորմի 4-րդ հանդիպումը տեղի ունեցավ 2024 թվականի մարտի 14-ին Երևանում

Հանդիպմանը ներկա էին Հայաստանում ԵՄ դեսպան Վասիլիս Մարագոսը, փոխվարչապետի խորհրդական Կարեն Նազարյանը, Արտաքին գործերի նախարարության Եվրոպայի վարչության պետ Սամվ…
19/03/2024

«Բարի լույս» հաղորդաշարի տաղավարում էր Հայաստանի արհմիությունների կոնֆեդերացիայի նախագահը

Մարտի 7-ից 10-ը Հայաստանի արհմիությունների կոնֆեդերացիան Ծաղկաձորում կազմակերպեց Արհմիութենական սպորտային միջոցառում, որի ընթացքում իրականացվեցին մրցույթներ հին…
18/03/2024

Հայաստանի արհմիությունների կոնֆեդերացիայի նախագահի այցը Հադրութի մանկապատանեկան ստեղծագործական կենտրոն

Հայաստանի արհմիությունների կոնֆեդերացիայի նախագահ Էլեն Մանասերյանը և Արցախի արհմիության ներկայացուցիչ Արա Ղահրամանյանն այցելեցին Երևանում գործող Հադրութի մանկապ…
14/03/2024

«ՀՀ աշխատանքային օրենսգրքի», «Արհմիությունների մասին» և «Գործատուների կազմակերպությունների մասին» ՀՀ օրենքների փոփոխությունների նախագծերի քննարկում

Արդեն տևական ժամանակ է Գործադիրը նախաձեռնել է <<ՀՀ աշխատանքային օրենսգրքի>>, <<Արհմիությունների մասին>> ՀՀ օրենքների փոփոխություններ
14/03/2024
Տեսանյութեր
Սոցիալական գործընկերներ
Միջազգային գործընկերներ