Հայաստանի արհմիությունների կոնֆեդերացիայում 2023թ. մայիսի 26-ին Հայաստանի արհմիությունների կոնֆեդերացիայի նախագահ Էլեն Մանասերյանի նախագահությամբ շարունակվեց Հանրապետական եռակողմ հանձնաժողովի նիստը, որին մասնակցում էին Հայաստանի Հանրապետության կառավարության, Հայաստանի արհմիությունների կոնֆեդերացիայի և Հայաստանի գործատուների հանրապետական միության Հանրապետական եռակողմ հանձնաժողովի անդամները:
Նիստի ընթացքում շարունակվեց «Առողջության համապարփակ ապահովագրության մասին» ՀՀ օրենքի նախագծի քննարկումը, այնուհետև քննարկվեցին ՀՀ աշխատանքային օրենսգրքում լրացում կատարելու մասին, «Բարձրագույն և հետբուհական մասնագիտական կրթության մասին» ՀՀ օրենքում լրացում կատարելու մասին, ԱՄԿ թիվ 29, թիվ 105 Կոնվենցիաների և ՀՀ Սահմանադրության 57-րդ հոդվածի 5-րդ մասի դրույթներին ՀՀ Աշխատանքային օրենսգրքի 145-րդ հոդվածի 2-րդ մասի անհամապատասխանությունը վերացնելու մասին, Հայաստանի Հանրապետության կառավարության 2005 թվականի օգոստոսի 11-ի «Ամենամյա լրացուցիչ արձակուրդի իրավունք ունեցող առանձին կատեգորիայի աշխատողների ցանկը, այդ արձակուրդի նվազագույն տևողությունը և տրամադրման կարգը սահմանելու մասին» N 1384-Ն որոշման մեջ լրացումներ կատարելու մասին առաջարկները:
Հանձնաժողովի կողմից օրակարգի հարցերի վերաբերյալ ընդունվեցին համապատասխան որոշումներ:
