Հայաստանի արհմիությունների կոնֆեդերացիայի նախագահ Էլեն Մանասերյանը 2024թ․ օգոստոսի 13-ին ճանաչողական այցով հյուրընկալվել էր «Հայկական ատոմային էլեկտրակայան» ՓԲԸ-ում։
 Հանդիպումը նախաձեռնել էր «Էլեկտրաարհմիություն» արհեստակցական կազմակերպությունների ՃՀՄ նախագահ Կարինե Ալոյանը։ Այցի նպատակն էր ծանոթանալ տեղում գործող արհմիության աշխատանքներին, ինչպես նաև «Հայկական ատոմային էլեկտրակայան» ՓԲԸ-ի արհմիության անդամներին ներկայացնել ՀԱՄԿ-ի կողմից իրականացվող աշխատանքները։ Հանդիպման ընթացքում ՀԱՄԿ-ի նախագահ Էլեն Մանասերյանը պատասխանեց աշխատակիցների հարցերին և վստահեցրեց, որ նման հանդիպումները կլինեն շարունակական։
 Այցի շրջանակներում ՀԱՄԿ-ի նախագահ Էլեն Մանասերյանը հանդիպեց «Հայկական ատոմային էլեկտրակայան» ՓԲԸ-ի գլխավոր տնօրեն Էդուարդ Մարտիրոսյանի հետ։ Քննարկվեցին ընկերությունում սոցիալական գործընկերության և կոլեկտիվ բանակցությունների իրականացումը, ԱԷԿ-ի շահագործման ընթացքում աշխատանքային հարաբերություննեում ծագող խնդիրները, ինչպես նաև դրանց լուծման հնարավորությունները։ Երկու ղեկավարներն էլ, կարևորելով հանդիպման անհրաժեշտությունը և քննարկված հարցերի և առաջարկվող լուծումների արդիականությունը, պատրաստականություն հայտնեցին հետագա առավել սերտ համագործակցության։