2004 թվականից Հայաստանի Հանրապետության կառավարության որոշմամբ հոկտեմբերի 7-ը նշվում է որպես Գրադարանավարի օր>: Տոնի խորհուրդը գրքի արժևորումն է, նրա մեծ դերակատարությունն առողջ հասարակության ձևավորման գործում:
Թեև այսօր զարգանում է էլեկտրոնային գիրք ընթերցելու մշակույթը, այնուհանդերձ սովորական գիրքը երբեք չի կորցնի իր արժեքն ու գրավչությունը, որում նաև իր դերն ունի ընթերցողին գրքերի աշխարհում ճիշտ ուղղորդելու գրադարանավարի բանիմացությունը:
Հայտնի է, որ քաղաքային և հատկապես գյուղական գրադարաններն ունեն խնդիրներ, որոնք հրատապ լուծում են պահանջում և որոնք կախված են տեխնիկական վերազինման գործընթացների հետ; Ժամանակները փոխվում են, փոխվում են նաև տեղեկատվական հոսքերի հասանելիության ուղիները, ուստի անհրաժեշտ է, որպեսզի մեր գրադարաններն անմասն չմնան տեխնոլոգիական զարգացման գործընթացներից: Գրադարանների աշխատողների համար անհրաժեշտ է ապահովել արժանավայել աշխատանքային պայմաններ և արժանավայել աշխատավարձ, միջոցներ, որոնք խթանում են ցանկացած աշխատողի աշխատանքի արդյունավետությունը:
ՀԱՄԿ-ը շնորհավորում է հանրապետության բոլոր գրադարանավարներին մասնագիտական տոնի կապակցությամբ, մաղթում առողջություն և հաջողություն:
ՀԱՅԱՍՏԱՆԻ ԱՐՀՄԻՈՒԹՅՈՒՆՆԵՐԻ ԿՈՆՖԵԴԵՐԱՑԻԱ
