ՀԱՅԱՍՏԱՆԻ ԱՐՀՄԻՈՒԹՅՈՒՆՆԵՐԻ ԿՈՆՖԵԴԵՐԱՑԻԱՅԻ ՇՆՈՐՀԱՎՈՐԱԿԱՆ ՈՒՂԵՐՁԸ ՇԻՆԱՐԱՐԻ ՕՐՎԱ ԿԱՊԱԿՑՈՒԹՅԱՄԲ

 Հայաստանում օգոստոսի 13-ին նշվում է Շինարարի օրը: Այդ կապակցությամբ Հայաստանի արհմիությունների կոնֆեդերացիան իր շնորհավորանքն ու երախտագիտությունն է հղում Շինարարության և շինանյութերի արդյունաբերության աշխատողների արհեստակցական կազմակերպությունների ճյուղային հանրապետական միությանը, արհմիության անդամներին, շինարարության ոլորտի աշխատողներին: 
 Հայ ժողովուրդը հպարտությամբ մեծարում է շինարարներին, ովքեր կարևորագույն դեր ունեն մեր հանրապետության տնտեսական և հոգևոր առաջընթացում: 
 Հայ շինարարի վարպետությունը, արարելու ուրույն միտքն ու ոճը պատմության ընթացքում կերտել են զարմանահրաշ տաճարներ, պաշտպանական ամրություններ, կամուրջներ, ճանապարհներ, կենսական նշանակության կառույցներ, համալիրներ ու շենքեր, որոնց թվում՝ մեր ինքնությունը վկայող և աշխարհում մեր ազգայինը ճանաչելի դարձնող բացառիկ գլուխգործոցներ և ճարտարապետական հորինվածքներ: Ուստի զարմանալի չէ շինարարի հանդեպ մեր ժողովրդի ունեցած հարգանքն ու ակնածանքը, քանզի հենց նրա ձեռքերով են վեր հառնում ազգային հարստություններն ու փոխանցվում գալիք սերունդներին: 
 Կրկին շնորհավորում եմ բոլոր շինարարներին, ցանկանում խաղաղ ու արարչագործությամբ լի տարիներ, նոր ձեռքբերումներ ու ամենայն բարիք: 

Հայաստանի արհմիությունների
կոնֆեդերացիայի նախագահ
ԷԴՈՒԱՐԴ ԹՈՒՄԱՍՅԱՆ

Վերջին նորություններ

ՀԱՄԿ-ի երիտասարդական հանձնաժողովի այցը Հրազդան խոշորացված համայնք

2022 թ. օգոստոսի 14-ին ՀԱՄԿ-ի և «Solidarity Center» («Համերաշխության կենտրոն») հայաստանյան գրասենյակի աջակցությամբ ՀԱՄԿ-ի երիտասարդական …
18/08/2022

«Կոլեկտիվ բանակցություններն աշխատավայրում» թեմայով սեմինար

Օգոստոսի 12-14-ը Ջերմուկ քաղաքում ՀԱՄԿ-ի Կազմակերպաուսումնական կենտրոնի և <Համերաշխության  կենտրոն> հայաստանյան  գրասենյակի համագործակցության &n…
15/08/2022

ԱՐՀՄԻՈՒԹԵՆԱԿԱՆ ԱՄԱՌԱՅԻՆ ԴՊՐՈՑԸ ԾԱՂԿԱՁՈՐՈՒՄ

Հուլիսի 19-22-ը Ծաղկաձորում կայացավ ՀԱՄԿ-ի և Ֆրիդրիխ Էբերտ հիմնադրամի համատեղ արհմիութենական ամառային դպրոցը։ Չորս հագեցած օրերի ընթացքում մասնակիցները ծանոթաց…
29/07/2022
Տեսանյութեր
Սոցիալական գործընկերներ
Միջազգային գործընկերներ