Հայաստանի արհմիությունների կոնֆեդերացիան շնորհավորում է Հայաստանի բանկերի և ֆինանսավարկային կազմակերպությունների աշխատողների արհեստակցական կազմակերպությունների ճյուղային հանրապետական միությանը, արհմիության անդամներին մասնագիտական տոնի՝ Բանկային աշխատողի օրվա կապակցությամբ:
Բանկային համակարգում արհեստավարժ մասնագետների զգոն աշխատանքի, կատարելագործված գիտելիքների և հմտությունների շնորհիվ այսօր ունենք կայուն բանկային համակարգ:
Վստահ ենք, որ ձեր մասնագիտական կարողությունները մշտապես ուղղված կլինեն մեր երկրի բարօրությանը և կներառեն նոր մոտեցումներ՝ համաշխարհային ֆինանսական զարգացումներին համընթաց:
Կրկին շնորհավորելով մասնագիտական տոնի առթիվ մաղթում եմ հաջողություն, քաջառողջություն և ընտանեկան ջերմություն:
Լավագույն մաղթանքներով՝
Հայաստանի արհմիությունների կոնֆեդերացիայի
նախագահ Էլեն Մանասերյան
