Հայաստանի արհմիությունների կոնֆեդերացիայի նիստերի դահլիճում 2023թ. մայիսի 19-ին Հայաստանի արհմիությունների կոնֆեդերացիայի նախագահ Էլեն Մանասերյանի նախագահությամբ կայացավ Հանրապետական եռակողմ հանձնաժողովի նիստը, որի օրակարգում ընդգրկված էր 7 հարց:
Օրակարգի առաջին հարցը Հանրապետական եռակողմ հանձնաժողովի քարտուղարի ընտրության մասին էր:
Էլեն Մանասերյանի առաջարկությամբ Հանրապետական եռակողմ հանձնաժողովի քարտուղար ընտրվեց Հայաստանի արհմիությունների կոնֆեդերացիայի Աշխատանքային և սոցիալական իրավունքների պաշտպանության բաժնի պետ Լաուրա Դեմիրչյանը:
Օրակարգի հաջորդ հարցը՝ «Առողջության համապարփակ ապահովագրության մասին» Հայաստանի Հանրապետության օրենքի նախագիծը, ներկայացրեցին Հայաստանի Հանրապետության առողջապահության նախարարի առաջին տեղակալ Լենա Նանուշյանը և փորձագետ Իզաբել Աբգարյանը, որին հետևեցին հարցուպատասխան և քննարկում:
Հաշվի առնելով, որ Հանձնաժողովի անդամների կողմից հնչեցված հարցերը և խնդիրները բազմաթիվ էին՝ Էլեն Մանասերյանի առաջարկությամբ որոշվեց նիստը շարունակել 2023թ. մայիսի 26-ին:
