Հոկտեմբերի 11-ին Հայաստանի Շինարարները միության նախագահ Գագիկ Գալստյանի հրավերով միությունում հյուրընկալել էին Հայաստանի արհմիությունների կոնֆեդերացիայի նախագահ Էլեն Մանասերյանը և ՀԱՄԿ նախագահի տեղակալ Տիրուհի Նազարեթյանը: Հրավերի նպատակն էր քննարկել շինոլորտի շահագրգիռ կառույցների առկա խնդիրներն ու անելիքները, մասնավորապես ոլորտի աշխատողների առողջության պահպանման և անվտանգության ապահովման, ինչպես նաև ոլորտի աշխատանքային առանձնահատկությունները տարանջատելուն առընչվող հարցեր:Հանդիպնանը ներկա էին նաև <Հորիզոն 95> ընկերության տնօրեն Աիդա Խաչատուրյանը, Շինարարների միության տնօրեն՝ Գուրգեն Մինասյանը, միության արհկոմ՝ Լյուդվիգ Սարգսյանը:
էլեն Մանասերյանը շնորհակալություն հայտնելով հրավերքի համար, կարևորեց նման հանդիպումները, ասելով, որ նմանատիպ հանդիպում- քննարկումներն առավել իրազեկ են դարձնում ՀԱՄԿ գործունեությանը և միայն համատեղ աշխատելու շնորհիվ հնարավոր է արագ և արդյունավետ լուծել աշխատանքային ոլորտում առկա խնդիրները:
