Հայաստանի արհմիությունների կոնֆեդերացիայի (ՀԱՄԿ) 2025 թվականի տարեվերջյան խորհրդի նիստը տեղի ունեցավ դեկտեմբերի 26-ին։ Նիստին մասնակցում էին խորհրդի 55 անդամներից 46-ը, որոնք ներկայացնում են ՀԱՄԿ-ին անդամակցող 18 ճյուղային հանրապետական միությունները։

Նիստի ընթացքում ՀԱՄԿ-ի նախագահ Էլեն Մանասերյանը խորհրդի անդամներին ներկայացրեց 2025 թվականի գործադիր կոմիտեի և ՀԱՄԿ-ի գործունեության վերաբերյալ հաշվետվությունը։ Հաշվետվությունը կարող եք տեսնել ստորև։ Նիստի ընթացքում քննարկվեցին անև այլ օրակարգայն հարցեր։

Նիստի ավարտին Հայաստանի արհմիությունների կոնֆեդերացիայի անունից հանձնվեցին շնորհակալագրեր Լեռնագործների, մետալուրգների և ոսկերիչների արհեստակցական կազմակերպությունների ճյուղային հանրապետական միության անդամ «ՌՈՒՍԱԼ ԱՐՄԵՆԱԼ» ՓԲԸ-ի արհմիության նախագահ Արամայիս Պետրոսյանը և Կրթության և գիտության աշխատողների արհեստակցական կազմակերպությունների ճյուղային հանրապետական միության Վարդենիսի տարածքի արհմիութենական կազմակերպությունների միության նախագահ Կարինե Ասատրյանը։

Պարգևատրման ժամանակ իր շնորհակալական խոսքում Կարինե Ասատրյանը կարևորեց արհմիութենական աշխատանքի միասնականությունն ու համախմբվածությունը՝ ի նպաստ աշխատող մարդու աշխատանքային իրավունքների պաշտպանության։