ԱԺ ԱՍՀ մշտական հանձնաժողովը` Հերիքնազ Տիգրանյանի գլխավորությամբ, հոկտեմբերի 27-ին կազմակերպել էր աշխատանքային քննարկում, որի առանցքում Աշխատանքային օրենսգրքում փոփոխություններ և լրացումներ նախատեսող օրենքի նախագիծն էր:
Աշխատանքի և սոցիալական հարցերի նախարարության մշակած նախագիծն առնչվում է աշխատանքային վեճերի լուծման արտադատական մեխանիզմի ներդրմանը:
Օրենքի նախագծով քաղաքացուն ընձեռվում է ընտրության հնարավորություն՝ դիմելու դատարան կամ աշխատանքային վեճերի լուծման հանձնաժողով:
Նախատեսվում է Հանձնաժողովի կազմ, բաղկացած` պետության, արհմիությունների և գործատուների ներկայացուցիչներից։ Մասնակիցները ներկայացրեցին նախագծի վերաբերյալ դիտարկումներ, առաջարկներ և հնարավոր խնդիրներ։ Առաջիկայում նախատեսվում են նոր հանդիպումներ։
Հանդիպմանը մասնակցել են Աշխատանքի եւ սոցիալական հարցերի նախարար Արսեն Թորոսյանը, Առողջապահական և աշխատանքի տեսչական մարմնի ղեկավար Սլավիկ Սարգսյանը, գործատուների միության և այլ շահագրգիռ կառույցների ներկայացուցիչներ:
