Դեկտեմբերի 16-18-ը Ծաղկաձորում կայացավ ՀԱՄԿ-ի երիտասարդական հանձնաժողովի առաջին հանդիպումը նոր կազմով։
Հանդիպումը բացեց ՀԱՄԿ կազմակերպաուսումնական կենտրոնի ղեկավար Վարդուհի Բրուտյանը։ Ամփոփիչ զեկույցով հանդես եկավ Էդգար Չախոյանը՝ ներկայացնելով 2017-2022թթ․ Երիտասարդական հանձնաժողովի գործունեության հաշվետվությունը։ Նվազագույն աշխատավարձ, թիմային աշխատանք, միասնականության կարևորություն․ եռօրյա սեմինարը հագեցած էր ինտերակտիվ խմբային քննարկումներով և դերախաղերով։
ՀԱՄԿ-ի փոխնախագահ Տիրուհի Նազարեթյանի հետ մասնակիցները զրուցեցին սոցիալական գործընկերության և արդյունավետ բանակցությունների մասին։
Տեղի ունեցավ հանդիպում ՀԱՄԿ նախագահ Էլեն Մանասերյանի հետ, որի ընթացքում քննարկվեցին Հայաստանում աշխատանքի իրավունքին առնչվող խնդիրներն ու դրանց լուծման ուղղությամբ տարվող աշխատանքը։
Մշակվեցին նաև ՀԱՄԿ-ի երիտասարդական հանձնաժողովի առաջիկա անելիքները 2023թ․ համար։
