Ապրիլի 2-3-ը Ֆրանսիայի Աշխատանքի ընդհանուր կոնֆեդերացիայի պատվիրակության անդամները, ի դեմս Ֆրանսիայի Աշխատանքի ընդհանուր կոնֆեդերացիայի արտաքին կապերի ղեկավար Բորիս Պլացցիի, Ֆրանսիայի Աշխատանքի ընդհանուր կոնֆեդերացիայի բյուրոյի անդամ Ֆաբիեն Ռուշիի և Ֆրանսիայի Աշխատանքի ընդհանուր կոնֆեդերացիայի խորհրդական Ռենատա Կուտասի,  այցելեցին Սյունիքի մարզ, հանդիպեցին Լեռնագործների, մետալուրգների և ոսկերիչների արհեստակցական կազմակերպությունների ճյուղային հանրապետական միության անդամ արհմիության ներկայացուցիչներին և ոլորտի աշխատողներին։ Տեղի ունեցավ ակտիվ քննարկում  կլիմայական փոփոխություների արդյունքում աշխատողների աշխատանքային պայմանների փոփոխության, առաջացած խնդիրների և այդ խնդիրների հնարավոր լուծումների վերաբերյալ։

Ապրիլի 4-ին պատվիրակության անդամներն այցելեցին «ՀՀ Արմավիրի մարզի Արմավիրի համայնքի բարեկարգում» տնօրինության հիմնարկ և  Արտամետ համայնքի ինտեսիվ այգիներ։ «ՀՀ Արմավիրի մարզի Արմավիրի համայնքի բարեկարգում» տնօրինության հիմնարկում տեղի ունեցավ հանդիպում տնօրենի և արհմիութենաական ակտիվի հետ, քննարկվեցի աշխատողների աշխատանքային գործունեության ընթացքում առաջացած մի շարք հարցեր, կատարված և կատարվելիք աշխատանքների  վերաբերյալ խոսեց նաև կազմակերպության արհմիության նախագահը։ Արտամետ համայնքում ինտենսիվ այգիների սեփականատերը հատկապես մատնանշեց համայքնում առկա ոռոգման ջրի խնդիրը, որ ողջ մարզի համար կարևորագույնն է։