Դեկտեմբերի 12-13-ը Երևանում տեղի ունեցավ Հայաստանի Արհմիությունների կոնֆեդերացիայի և Աշխատանքի Միջազգային կազմակերպության կողմից կազմակերպված երկօրյա աշխատաժողովը «Արհմիությունների կարողությունների զարգացումը բռնի տեղահանված անձանց կարիքների արձագանքման, ոչ ֆորմալ տնտեսությունում աշխատողների կազմակերպման և արհմիություններում ինտեգրման համատեքստում» թեմայով։ Միջոցառման ընթացքում ելույթներով հանդես եկան Սերգեյուս Գլովացկասը՝ ԱՄԿ Եվրոպայի և Կենտրոնական Ասիայի հարցերով բաժնի ղեկավարը, Գոչա Ալեքսանդրիան՝ ԱՄԿ Տարածաշրջանային գրասենյակի աշխատողների հարցերով մասնագետը, ՀՀ աշխատանքի և սոցիալական հարցերի նախարարի տեղակալ Ռուբեն Սարգսյանը։ Հայաստանի արհմիությունների կոնֆեդերացիայի նախագահ Էլեն Մանասերյանը ներկայացրեց ՀԱՄԿ-ի գործողությունների ծրագիրը բռնի տեղահանվածների և ոչ ֆորմալ տնտեսության աշխատողների համար արժանապատիվ աշխատանքի խթանման համար։ Հանդիպմանը մասնակցում էին ՀԱՄԿ ֊ի անդամ ՃՀՄ նախագահներ, տարածքային մարզային կազմակերպությունների ներկայացուցիչներ ինչպես նաև ԼՂ ֊ից բռնի տեղահանված անձանց <<Վերածնունդ>> արհմիութենական կազմակերպության ներկայացուցիչներ։ ՀԱՄԿ֊ի նախագահի տեղակալ Տիրուհի Նազարեթյանը և իրավաբան Աննա Բարիկյանը ներկայացրեցին ՀԱՄԿ -ի կողմից իրականացված ուսումնասիրությունը <<Բռնի տեղահանված անձանց կարիքների գնահատում և խնդիրների վեր հանում կապված աշխատաշուկա ինտեգրվելու հետ>> թեմայով։ Ճյուղային միությունների նախագահների և մարզերի ներկայացուցիչների կողմից ներկայացվեցին վերջին 2 տարում ԼՂ ֊ից բռնի տեղահանված անձանց տրամադրված աջակցության և կատարված աշխատանքների վերաբերյալ։ ԱՄԿ գործընկերները ներկայացրեցին արհիությունների միջազգային փորձը բռնի տեղահանված և փախստականների հետ աշխատանքների վերաբերյալ։
Աշխատաժողովի երկրորդ օրը մասնակիցները քննարկեցին ոչ ֆորմալ տնտեսությունում աշխատողների կազմակերպման և արհմիություններում ներգրավվման վերաբերյալ արհմիությունների միջազգային փորձը, քննարկեցին և ուրվագծեցին հայաստանյան արհմիությունների գործողությունները։
ՀԱՄԿ-ի նախագահ Էլեն Մանասերյանը, ամփոփելով աշխատաժողովը, շնորհակալություն հայտնեց ԱՄԿ գործընկերներին շարունակական աջակցության և ՃՀՄ ներկակացուցիչներին` հետևողական աշխատանքի համար։
Needs Assessment Report on Forcibly Displaced Persons from Nagorno Karabakh
Strethening The Confederation of trade unions of RA refugees
