Դեկտեմբերի 22-ին` տարվա ամենակարճ լուսային օրը, էներգետիկները նշում են իրենց մասնագիտական տոնը՝ Էներգետիկի օրը:
Հայաստանի արհմիություների կոնֆեդերացիան սրտանց շնորհավորում է ոլորտի բոլոր աշխատողներին մասնագիտական տոնի առթիվ: Դժվար է գերագնահատել ձեր աշխատանքի կարևորությունը:
Էներգետիկի օրը տոն է բոլոր նրանց համար, ովքեր երբևէ մասնակցել են էներգետիկ համակարգերի ստեղծմանը և պահպանմանը: Սա նաև տոն է նրանց համար, ովքեր այսօր շարունակում են մնալ էներգետիկ ոլորտում: Վերջապես, էներգետիկայի օրը տոն է բոլորիս համար, քանի որ «ջերմություն» և «լույս» հասկացությունները պարզապես բառեր չեն, այլ մի ամբողջ դարաշրջան:
Շնորհակալ ենք ձեր դժվարին ու պատասխանատու աշխատանքի համար, որի շնորհիվ այսօր մեր հանրապետության բոլոր անկյուններում, յուրաքանչյուրիս տանը և ընտանիքում կա լույս ու ջերմություն: Ձեր մասնագիտական տոնին մեր անկեղծ երախտագիտությունն ենք հայտնում Ձեզ քրտնաջան աշխատանքի, բարձր վարպետության և ձեր սիրելի գործին նվիրվածության համար։ Բոլոր էներգետիկներին մաղթում ենք անվտանգ աշխատանք և սոցիալական բարեկեցություն:
