Աշխատանքի միջազգային կազմակերպության «Միասին նպաստենք Հայաստանում աշխատանքային իրավունքների իրացմանը» ծրագրի շրջանակներում ս.թ. հունիսի 21-ին Հայաստանի արհմիությունների կոնֆեդերացիայում տեղի ունեցավ Աշխատավայրում բռնության և ոտնձգության կանխարգելմանն ու վերացմանն ուղղված սեմինար, որին ներկա էին ՀԱՄԿ-ի աշխատանքային հարաբերություններում հավասարության հարցերով հանձնաժողովի անդամները և այլ հյուրեր:
Աշխատաժողովը վարում էր ԱՄԿ խորհրդատու Հելենա Պերեսը, ով մասնակիցների հետ կիսվեց ԱՄԿ 190 կոնվենցիայի արդիականությամբ, Բռնության և ոտնձգության դեմ արդյունավետ համակարգի ներդրմանն ուղղված հավանական քայլերի կիրառման մեթոդաբանությամբ:
Ողջույնի խոսքով հանդես եկավ ՀԱՄԿ-ի նախագահի տեղակալ Տիրուհի Նազարեթյանը, ով իր խոսքում նշեց ԱՄԿ 190 կովենցիայի վավերացման կարևորությունը՝ ի նպաստ հայաստանյան աշխատաշուկայում առավել արժանապատիվ աշխատանքային միջավայրի կայացման:
