2023 թվականի հոկտեմբերի 14-15-ին Ծաղկաձորի «Մուլտի Ռեսթ» հյուրանոցային համալիրում «Սոլիդարիթի Սենթր» կազմակերպության հայաստանյան ներկայացուցչության հետ համագործակցության շրջանակներում, Հայաստանի թեթև արդյունաբերության ոլորտի աշխատողների արհեստակցական կազմակերպությունների ՃՀՄ-ի կողմից կազմակերպվեց այդ ոլորտի արհմիությունների ակտիվի համար «Աշխատատեղի մշտադիտարկում» թեմայով սեմինար-ուսուցման դասընթաց: Սեմինարը վարեցին Հայաստանի արհմիությունների կոնֆեդերացիայի նախագահի տեղակալ Տիրուհի Նազարեթյանը, Հայաստանի արհմիությունների կոնֆեդերացիայի աշխատանքային և սոցիալական իրավունքների պաշտպանության բաժնի իրավաբան Աննա Բարիկյանը, ՀՀ առողջապահական և աշխատանքի տեսչական մարմնի աշխատողների առողջության պահպանման և անվտանգության ապահովման վերահսկողության բաժնի ավագ մասնագետ Ստեփան Շահումյանը: Սեմինարի ընթացքում մասնակիցների կողմից արհմիությունների համար մշակվեցին աշխատատեղի մշտադիտարկում անցակացնելու համար քարտեր:
Սեմինարի ավարտին ՃՀՄ նախագահ Սրապիոն Առաքելյանը, մասնակիցների անունից շնորհակալություն հայտնելով «Սոլիդարիթի Սենթր» կազմակերպության հայաստանյան ներկայացուցչությանը և ՀԱՄԿ-ին, նրանց ղեկավարությանը, հույս հայտնեց, որ սեմինարի մասնակիցներն իրենց ստացած գիտելիքներն ի նպաստ կդնեն կազմակերպություններում արհմիության հեղինակության բարձրացմանն ու նորերի անդամակցության շարժառիթների ստեղծմանն ու զարգացմանը:
Մասնակիցները մեկնեցին բարձր տրամադրությամբ՝ հետագայում նորից հանդիպելու ակնկալիքով:
ՃՀՄ նախագահ՝ Սրապիոն Առաքելյան
