Հայաստանի արհմիությունների կոնֆեդերացիան Արժանապատիվ աշխատանքի օրվան նվիրված կազմակերպել էր աշխատանքի տոնավաճառ և «Արհմիությունը մենք ենք» ֆիլմի ցուցադրություն։

Կարևորելով Հայաստանում արժանապատիվ աշխատանքի օրեցօր աճող անհրաժեշտությունը՝ Հայաստանի արհմիությունների կոնֆեդերացիան նպատակ ունի ևս մեկ անգամ հանրության ուշադրությունը հրավիրել արժանապատիվ աշխատանքային միջավայրի ձևավորման առաջնահերթությանը։

Աշխատանքի տոնավաճառին մասնակցում էին ավելի քան 20 գործատու կազմակերպություններ, որոնք ներկայացնում էին իրենց թափուր աշխատատեղերը, իսկ աշխատանք փնտրողների թիվը հարյուրից ավելի էր։