Տեղի ունեցավ «Վերածնունդ» արհեստակցական կազմակերպության անդամների և ՀՀ աշխատանքի և սոցիալական հարցերի նախարարության Միասնական սոցիալական ծառայության Զբաղվածության ապահովման, աշխատանքային ներուժի զարգացման վարչության ծրագրերի համակարգման բաժնի աշխատակիցների հետ երկրորդ հանդիպումը, որը կազմակերպվել էր Հայաստանի արհմիությունների կոնֆեդերացիայի կողմից։
Հանդիպման ընթացքում «Վերածնունդ» արհեստակցական կազմակերպության անդամներին ծանոթացրել են զբաղվածության ապահովման գործող ծրագրերին և մշակել քայլեր ուղղված Արցախի Հանրապետությանից բռնի տեղահանված, փախստականի կարգավիճակ ունեցող անձանց զբաղվածության կարիքների գնահատմանը։ Քննարկման ընթացքում մասնակիցների կողմից բարձրացված հարցերին տրվեցին սպառիչ պատասխաններ։
Հանդիպմանը ներկա էին Հայաստանի արհմիությունների կոնֆեդրացիայի նախագահի տեղակալ Տիրուհի Նազարեթյանը, ՀՀ աշխատանքի և սոցիալական հարցերի նախարարության Միասնական սոցիալական ծառայության Զբաղվածության ապահովման և աշխատանքային ներուժի զարգացման վարչության ծրագրերի համակարգման բաժնի գլխավոր մասնագետներ Անահիտ Կարապետյանը և Անուշ Հովհաննիսյանը, ՀԱՄԿ-ի Աշխատանքային հարաբերություններում հավասարության հարցերով հանձնաժողովի նախագահ Լիանա Ամիրաղյանը:
