2023 թվականի նոյեմբերի 30-ին Հայաստանի արհմիությունների կոնֆեդերացիան հյուրընկալեց Աշխատանքի միջազգային կազմակերպության (ԱՄԿ) Եվրոպայի և Կենտրոնական Ասիայի հարցերով բաժնի ղեկավար Սերգեյուս Գլովացկասին:  Աշխատանքային այցի շրջանակներում Սերգեյուս Գլովացկասը հանդիպեց նաև ՀԱՄԿ-ին անդամակցող Ճյուղային հանրապետական միությունների (ՃՀՄ) նախագահներին:
 Հանդիպման ընթացքում ՀԱՄԿ-ի նախագահ Էլեն Մանասերյանը ներկայացրեց ՀԱՄԿ-ի և ՀԱՄԿ-ին անդամակցող ՃՀՄ-ների կողմից Լեռնային Ղարաբաղից բռնի տեղահանված անձանց համար իրականացված հումանիտար աջակցության ծրագրերը՝ շնորհակալություն հայտնելով Աշխատանքի միջազգային կազմակերպությանն աջակցելու համար, ինչպես նաև քննարկվեց հանդիպման մասնակիցների կողմից աշխատանքի, ինչպես նաև սոցիալական գործընկերության ոլորտներում առկա մարտահրավերները և հնարավորությունները:
Հանդիպման ավարտին Սերգեյուս Գլովացկասը ՀԱՄԿ-ի նախագահ Էլեն Մանասերյանին ԱՄԿ-ի անունից շնորհեց Պատվոգիր՝ արժանապատիվ աշխատանքի սկզբունքների առաջմղման գործում ակտիվ համագործակցության մեջ ունեցած ավանդի համար։