ՀԱՄԿ-ի նախագահ՝ Էլեն Մանասերյանը և նախագահի տեղակալ՝ Տիրուհի Նազարեթյանը 2023 թվականի մարտի 6-ից 10-ը աշխատանքային այցով գտնվում էին Ժնևում Աշխատանքի միջազգային կազմակերպության աշխատողների հարցերով բյուրոյի տնօրենի հրավերով։
Այցի ընթացքում կայացան հանդիպումներ աշխատողների հարցերով բյուրոյի տնօրեն Մարիա Հելենա Անդրեի, ԱՄԿ արժանապատիվ աշխատանքի և Արևելյան Եվրոպայի և Կենտրոնական Ասիայի երկրների աշխատողների հարցերով գրասենյակի ղեկավար Սերգեյուս Գլովացկասի, ինպես նաև ԱՄԿ ոլորտային քաղաքականության պատասխանատուների հետ։ Քննարկվեցին ՀԱՄԿ-ի հետ համատեղ իրականացվող ծրագրերը, համագործակցության հեռանկարները։ Էլեն Մանասերյանը ներկայացրեց Հայաստանի արհմիությունների առջև ծառացած խնդիրներն ու մարտահրավերները և հրավիրեց Մարիա Հելենա Անդրեին այցելել Հայաստան։
Պայմանավորվածություն ձեռք բերվեց 2023թ․ ապրիլին փոխադարձ այց կազմակերպելու վերաբերյալ։
