Հայաստանի, առևտրի, հասարակական սննդի, սպառկոոպերացիայի և ձեռներեցության աշխաատողների արհեստակցական կազմակերպությունների ճյուղային հանրապետական միությունը սեպտեմբերի 12-ից 14-ը քաղաք Ծաղկաձորում կազմակերպեց սեմինար անդամ կազմակերպությունների համար՝ «Արհմիության անդամակցության և արհմիութենական աշխատանքի արդյունավետության բարձրացման ուղիները» թեմայով։
Մասնակիցներին ողջունեց և սեմինարի կանոնների մասին տեղեկացրեց Միության նախագան Շմավոն Մկրտչյանը։ Սեմինարի թրեյներ Լիանա Ամիրաղյանը ներկայացրեց արհիմության գործառույթների, նպատակների, խնդիրների և արհիմության անդամակցության շարժառիթների մասին։
Մասնակիցները տեղեկացան նաև կոլեկտիվ պայմանագրի, կոլեկտիվ բանակցությունների, ՀՀ աշխատանքային օրենսգրքում կատարված փոփոխությունների մասին, որը հմտորեն մատուցեց ՀԱՄԿ-ի իրավաբան Աննա Բարիկյանը և պատասխանեց մասնակիցներին հետաքրքրող բոլոր հարցերին։
ՀԱՄԿ-ի կառուցվածքի և արհմիութենական շարժման առանձնահատկությունների մասին խոսեց ՀԱՄԿ-ի ուսումնահետազոտական կենտրոնի ղեկավար Վարդուհի Բրուտյանը։
Իր խոսքում Միության նախագահ Շմավոն Մկրտչյանը ընդգծեց արհմիության առաջնորդին բնորոշ հատկանիշները՝ հատկապես կոլեկտիվում հեղինակություն վայելելն ու արհեստավարժ լինելը։ Նա հատկապես կարևորեց արհեստակցական կազմակերպությունների տեղն ու դերը, որպես Հայաստանում արհիմութենական շարժման զարգացման սկզբնաղբյուր և առաջնային օղակ։
Սեմինարի ողջ ընթացքը հագեցած էր ինտերակտիվ խմբային քննարկումներով և դերախաղերով, որը մասնակիցներին հնարավորություն տվեց ակտիվ լինել քննարկումների և որոշումների կայացման ընթացքում։
Քննարկումների արդյունքում սեմինարի մասնակիցները եկան այն համոզման, որ արհիմության անդամակցության և արհմիութենական աշխատանքի արդյունավետության բարձրացման խոչընդոտ են հանդիսանում որոշ գործատուներ և ոլորտում արհմիության արհեստավարժ առաջնորդների պակասը։
Արդյունքում մասնակիցներն առաջարկեցին ակտիվացնել իրազեկման և արհիութենական կադրերի պատրաստման աշխատանքները։
