2022 թվականի հունվարի 20-ին ՀԱՄԿ-ի նախագահ Էդուարդ Թումասյանը դիմել էր ՀՀ առողջապահության նախարար Անահիտ Ավանեսյանին և ՀՀ աշխատանքի և սոցիալական հարցերի նախարար Նարեկ Մկրտչյանին ՊՇՌ հետազոտությունների դիմաց աշխատողներին փոխհատուցելու հարցի պարզաբանման համար, քանի որ հստակեցված չէ, թե ո՞ր մարմինը պետք է փոխհատուցի աշխատողների կողմից վճարված գումարները:
2022 թվականի հունվարի 31-ի ՀՀ աշխատանքի և սոցիալական հարցերի նախարարությունն իր պատասխան նամակում իրավական ակտերի վերաբերյալ պարզաբանում ստանալու համար ուղղորդում է առողջապահության ոլորտ:
Մինչդեռ Առողջապահության նախարարությունը 2022 թվականի հունվարի 26-ին ՀԱՄԿ-ի հարցմանն ուղղած իր պատասխան նամակում նշել էր, որ <ՊՇՌ հետազոտության ծառայությունների մատուցման իրավահարաբերություններում գույքային պարտականությունների կրողների շրջանակի սահմանումը դուրս է առողջապահության նախարարի լիազորություններից>:
Աշխատողների աշխատանքային իրավունքների հարցերով մտահոգված Հայաստանի արհմիությունների կոնֆեդերացիան վերոնշյալ հարցի վերաբերյալ ակնկալում է տրամաբանված և հստակ պատասխան:
Կից ներկայացվում է ՀՀ առողջապահության և ՀՀ աշխատանքի և սոցիալական հարցերի նախարարությունների պատասխանները:
ՀՀ առողջապահության նախարարության պատասխան
ՀՀ աշխատանքի և սոցիալական հարցերի նախարարությունների պատասխան
