Անկախության տոնը յուրաքանչյուրիս համար առիթ է խորհելու պետության անցած ուղու, հաջողությունների ու փորձությունների, ձեռքբերումների ու մարտահրավերների մասին։
Սեպտեմբերի 21-ը հայ ժողովրդի պատմութան մեջ ազգային միասնականություն խորհրդանշող տոներից է: Անկախության ձեռքբերումն ունենալով որպես լավագույն օրինակ՝ պետք է միասին ու համախմբված շարունակենք աշխատել հանուն պետականության պահպանման ու ամրապնդման, ամեն օր անել հնարավորն ու անհնարինը, որպեսզի մեր դարավոր երազանքի իրականացումը` անկախ ապրելու մեր իրավունքը, մնա անսասան իրողություն։
Մենք, հիրավի, ապրում ենք պատմական ծանր ժամանակաշրջանում: Այն կարող ենք հաղթահարել միայն համերաշխությամբ, նվիրումով և այն միասնությամբ, որի ծնունդն է անկախությունը։
Այս պատմական օրը մեր երկրին ու ժողովրդին մաղթում եմ խաղաղություն ու կայունություն։
ՀԱՄԿ-ի նախագահ Էլեն Մանասերյան
