Հունիսի 28-ին ամփոփվեց ՀԱՄԿ-ի և Friedrich-Ebert-Stiftung հիմնադրամի համատեղ նախաձեռնությամբ բացված ԱՌԱՋՆՈՐԴՈՒԹՅԱՆ ԴՊՐՈՑԻ գործունեությունը։
12 մոդուլների ընթացքում մասնակիցները ձեռք բերեցին տեսական և պրակտիկ գիտելիքներ առաջնորդության հմտությունների, քաղաքացիական հասարակության զարգացման, աշխատանքային իրավունքների և արհմիությունների վերաբերյալ։ 
Ֆրիդրիխ էբերտ հիմնադրամի հայաստանյան գրասենյակի ծրագրերի համակարգող Լիանա Բադալյանը և ՀԱՄԿ-ի կազմակերպաուսումնական կենտրոնի ղեկավար Էլեն Մանասերյանը շնորհակալություն հայտնեցին բոլոր մասնակիցներին և բանախոսներին։ «Այս դպրոցը ևս մեկ քայլ էր ժամանակակից արհմիությունների դերի վերաիմաստավորման և արդիականացման ճանապարհին», - նշեց Էլեն Մանասերյանը։
Երկու ամիսները հագեցած էին արդյունավետ դասերով, Հայաստանում ժողովրդավարական արժեքներին հավատարիմ և իրավագիտակից քաղաքացի կերտելուն ուղղված կարևոր շեշտադրումներով ու բովանդակալից քննարկումներով։ «Այս տեսանկյունից դպրոցի առաքելությունը կայուն արժեքային համակարգի ստեղծմանը նպաստելն է՝ որպես ամուր քաղաքացիական հասարակության և պետության հիմք», - ընդգծեց Լիանա Բադալյանը։
Բոլոր մասնակիցները պարգևատրվեցին ավարտական սերտիֆիկատներով։