ԱՄԿ-ն պաշտոնապես համաձայնվել է կենսապահովման աշխատավարձի սահմանման հետ, որը Նոր սոցիալական պայմանագրի էական մասն է, որպեսզի վերաձևավորի համաշխարհային տնտեսությունը՝ ծառայելու աշխատավոր մարդկանց շահերին

Համաձայնագիրը, որը ձեռք է բերվել փետրվարին աշխատավարձային քաղաքականության հարցերով փորձագետների եռակողմ հանդիպման ժամանակ, հավանության է արժանացել ԱՄԿ-ի ղեկավար մարմնի կողմից մարտի 13-ի նիստում:
Նոր սահմանմամբ կենսապահովման աշխատավարձն «աշխատավարձի մակարդակն է, որն անհրաժեշտ է աշխատողների և նրանց ընտանիքների համար արժանապատիվ կենսամակարդակ ապահովելու նպատակով՝ հաշվի առնելով երկրի հանգամանքները և հաշվարկված նորմալ ժամերին կատարվող աշխատանքը»:

ԱՄԿ-ի համաձայնագիրը շեշտում է կարևոր դերերը, որոնք պետք է ունենան աշխատավարձերը սահմանող լիազորված հաստատությունները ու գործիքները, մասնավորապես սոցիալական երկխոսությունը և կոլեկտիվ բանակցությունները, և ընդգծվում է, որ կառավարությունները և սոցիալական գործընկերները պետք է «ապահովեն նվազագույն աշխատավարձից կենսապահովման աշխատավարձի աճող առաջընթացը»:

Այն նաև սահմանում է կենսապահովման գնահատման մի քանի հիմնական սկզբունքներ, այդ թվում՝
•    ապացույցների վրա հիմնված մեթոդոլոգիաների և հստակ տվյալների կիրառում, որոնք թափանցիկ են և հասանելի հանրությանը,
•    սոցիալական գործընկերների հետ խորհրդակցություն,
•    կենսապահովման աշխատավարձի ծախսերի փոփոխություններն արտացոլելու համար կանոնավոր ճշգրտումներ՝ հաշվի առնելով տարածաշրջանային և սոցիալ-տնտեսական իրողությունները:
Բացի այդ, ԱՄԿ-ից պահանջվում է աջակցել կառավարություններին և սոցիալական գործընկերներին ապացույցների վրա հիմնված կենսապահովման աշխատավարձի սահմանման հարցում: Սա ներառում է կենսապահովման աշխատավարձի վերաբերյալ քննարկումների համար տվյալների հավաքագրում, կենսապահովման աշխատավարձը որոշելու համար տեխնիկական աջակցություն և անհրաժեշտության դեպքում համապատասխան տնտեսական պայմանների գնահատում:
Համաձայնագիրն ակնկալում է ավելի մեծ համահունչ ընթացիկ ազգային և միջազգային նախաձեռնություններ՝ ուղղված կենսապահովման աշխատավարձի սահմանմանը, գնահատմանը և տրամադրմանը:
 ԱՄԿ-ի գլխավոր քարտուղար Լյուկ Թրիանգլը ողջունել է համաձայնագիրը. «ԱՄԿ-ում այս համաձայնության հասնելը 80 տարի կենսապահովման աշխատավարձի կարևորությունը անտեսելուց հետո աշխատավորների խոշոր հաղթանակն է: »
«Այժմ, չափազանց շատ աշխատողների համար աշխատավարձը բավարար չէ իրենց և իրենց ընտանիքներին աղքատությունից դուրս բերելու համար, էլ չեմ ասում արժանապատիվ ապրուստ ապահովելու համար»:
«Այս համաձայնագիրը կարևոր քայլ է միջազգային գործողություններով ուղղված կենսապահովման աշխատավարձի  ապահովման և նշանակում է առաջընթաց սոցիալական արդարության ոլորտում»:
 

Վերջին նորություններ

Տեղեկույթ Հայաստանի մշակույթի աշխատողների արհեստակցական կազմակերպությունների ճյուղային հանրապետական միության կողմից ‹‹Թատրոնի միջազգային օր›› մասնագիտական տոնի կապակցությամբ կազմակերպված ընդունելության մասին, 10.04.2024թ.

 Ս/թ. ապրիլի 10-ին ՀԱՄԿ-ի շենքի թ. 808 դահլիճում տեղի ունեցավ Մշակույթի աշխատողների ճյուղային արհմիությանն անդամակցող թատրոնների ոչ ստեղծագործական անձնակազ…
17/04/2024

ՏԵՂԵԿՈՒՅԹ

2024թ. մարտի 26-ին ՃՀՄ-ում /սենյակ-714/ տեղի ունեցավ Հայաստանի մշակույթի աշխատողների արհեստակցական կազմակերպությունների Ճյուղային հանրապետական  միության գո…
03/04/2024

Խորհրդի նիստ

2024թ մարտի 29-ին   տեղի ունեցավ Հայաստանի արհմիությունների կոնֆեդերացիայի խորհրդի նիստ, որին մասնակցում էին 53 խորհրդի անդամներից 43-ը…
30/03/2024

Արհմիութենական սպորտ 2024

Հայաստանի արհմիությունների կոնֆեդերացիան մարտի 7-10-ը Ծաղկաձորում կազմակերպել էր "Արհմիութենական սպորտ 2024" խորագրով արհմիութենական-սպորտային միջոցառ…
26/03/2024
Տեսանյութեր
Սոցիալական գործընկերներ
Միջազգային գործընկերներ