Հոկտեմբերի 23-ին ՀԱՄԿ֊ի նիստերի դահլիճում կայացավ տեղեկատվական հանդիպում` Պետական եկամուտների կոմիտեի և ճյուղային արհմիությունների ներկայացուցիչների միջև։
ՀՀ ՊԵԿ ՀՎՍ վարչության պետի տեղակալ Գոհար Արաբաջյանը և ՀՎՍՎ թիվ 1 բաժնի գլխավոր հարկային տեսուչ Նոնա Ղալեչյանը մասնակիցներին ներկայացրեցին ֆիզիկական անձանց եկամուտների հայտարարագրման կարգի, փուլերի և ձևաչափի վերաբերյալ մանրամասն պարզաբանումներ։
Հարց ու պատասխանի և քննարկման ընթացքում Գոհար Արաբաջյանը նշեց, որ ինքնաշխատ եղանակով հայտարարագրի լրացվելու վերաբերյալ նախագիծը դեռևս քննարկվում է և այս պահին չի գործում։ Հետևաբար մինչև նոյեմբերի 1-ը բոլոր օրենքով նշված կատեգորիայի քաղաքացիների համար պարտադիր է հայտարարագիր ներկայացնելը։
ՀԱՄԿ-ի նախագահի տեղակալ Տիրուհի Նազարեթյանը նշեց, որ հատկապես մարզերում բնակվող և կարճաժամկետ պայմանագրերով աշխատող քաղաքացիների համար նախագիծը դժվարություններ և լրացուցիչ ծախսեր է առաջացնում։
Շատերը չունեն համապատասխան գործիքներ և տեխնիկապես չեն տիրապետում ընթացակարգին, մինչդեռ` ՊԵԿ-ի աշխատակիցների կողմից տրամադրվող աջակցությունը Երևան քաղաքի բնակիչների համար է հասանելի։
Մասնակիցները կարևորեցին որոշ կատեգորիայի քաղաքացիների համար հայտարարագրի պարզեցված ընթացակարգ ներդնելու գործընթացը։
