2022թ. ապրիլի 2-ին տեղի ունեցավ Հայաստանի կոմունալ-բնակարանային տնտեսության և ծառայությունների ոլորտի աշխատողների արհեստակցական կազմակերպությունների ճյուղային հանրապետական միության 5-րդ համագումարը:
Համագումարի աշխատանքներին մասնակցում էին Հայաստանի արհմիությունների կոնֆեդերացիայի նախագահ Էդուարդ Թումասյանը: Շնորհավորական ուղերձներով հանդես եկան ՀՀ Առողջապահության աշխատողների ՃՀՄ նախագահ Գայանե Արմաղանովան և ՀՀ պետ. հիմնարկների, ՏԻՄ –երի և հասարակական սպասարկման աշխատողների ՃՀՄ նախագահ Անահիտ Ասատրյանը:
2017-2022 թթ. կատարած աշխատանքների մասին հաշվետու զեկուցումով հանդես եկավ ՃՀՄ նախագահ Սեդա Հարությունյանը, հինգ տարիների կատարած վերստուգիչ հանձնաժողովի աշխատանքների մասին զեկուցեց հանձնաժողովի նախագահ Նախշուն Խաչատրյանը:
Ելույթներով հանդես եկան Գյումրիի, Արմավիրի, Երևանի տարբեր ձեռնարկությունների արհեստակցական կազմակերպությունների նախագահները, խոսեցին հինգ տարվա կատարած աշխատանքների մասին: Առանձնահատկությունն այն էր, որ բոլորն էլ կատարված աշխատանքների կողքին ներկայացրեցին նաև թերացումները` դրանց օբյեկտիվ և սուբյեկտիվ պատճառները, նշելով, որ հնգամյա ժամա-նակաշրջանը համընկել է մեր երկրի համար, թերևս, ամենադժվարին տարիների հետ:
Համագումարում ելույթ ունեցավ ՀԱՄԿ-ի նախագահ Էդուարդ Թումասյանը, ողջունելով համագումարի մասնակիցներին, նա նշեց որ անցած տարիները ծանր են եղել միության համար, ճյուղային միու-թյունը, դժվարին պայմաններում շարունակել է իր աշխատանքը:
Համագումարը ընտրեց ղեկավար կազմեր:
Ճյուղային հանրապետական միության նախագահ վերընտրվեց Սեդա Հարությունյանը, վերստուգիչ հանձնաժողովի նախագահ` Նախշուն Խաչատրյանը:
Եզրափակիչ ելույթով հանդես եկավ ՃՀՄ նախագահ Սեդա Հարությունյանը նշելով, որ ՃՀՄ գործունեության առաջնա-հերթություններից է` համախմբել համախոհներին, շեշտը դնելով երիտասարդների վրա, նրանց ներուժը, գիտելիքները, եռանդը նպատակաուղղել արհմիութենական կյանք:
