2023թ. հունիսի 9-11-ը Ծաղկաձորի ‹‹Կեչառիս›› հյուրանոցում անցկացվեց սեմինար ‹‹Արհմիության անդամակցության բարձրացման շարժառիթները›› թեմայով: Այն կազմակերպվել էր ՀԱՄԿ-ի կազմակերպաուսումնական կենտրոնի և ‹‹Սոլիդարիթի սենթր›› կազմակերպության հայաստանյան ներկայացուցչության ջանքերով: Սեմինարի մասնակիցները Հայաստանի մշակույթի աշխատողների Ճյուղային արհմիության անդամներն էին՝ Հանրապետության թանգարաններից, թատրոններից, գրադարաններից, քոլեջներից, մշակույթի կենտրոններից, երաժշտական և գեղարվեստի դպրոցներից, ուսումնական և այլ հաստատություններից /թվով՝ 25 անդամ/:
Սեմինարը վարում էր ՀԱՄԿ-ի նախագահ Էլեն Մանասերյանը՝ վարպետորեն, հմուտ և հանրամատչելի ներկայացնելով սեմինարի թեման, աշխույժ հետաքրքրություն և շատ ավելին իմանալու ցանկություն առաջացնելով մասնակիցների մեջ:
Ազատ ժամերին սեմինարի մասնակիցներն այցելեցին Օրբելի եղբայրների թանգարան, ‹‹Կեչառիս›› վանական համալիր, ծանոթացան քաղաքին, նրա տեսարժան վայրերին, և, ամենակարևորը՝ ստեղծվեց մի նոր ‹‹Համերաշխության կենտրոն››, կայուն կապեր հաստատվեցին մասնակիցների միջև՝ հետագայում դրանք պահպանելու և շարունակելու մեծ ցանկությամբ:
Երկու օր հագեցած օրակարգով շարունակվող սեմինարին մասնակիցները հրաժեշտ տվեցին մեծ ափսոսանքով, գոհ, իրավական գիտելիքներով հարստացած և նորից հանդիպելու ակնկալիքով:
