Ուսուցչի օրը խորհրդանշում է ուսուցիչների՝ կրթության և զարգացման բնագավառում ունեցած հսկայական ներդման ճանաչումը, ընդունումը և գնահատումը։
Ամեն երեխայի գիտակցական կյանքը հենց ձեզանով է սկսվում, և ձեր վաստակն անուրանալի է հայրենի երկրի ապագա քաղաքացիների կրթության ու դաստիարակության գործում: Դուք մեր ապագա սերունդների սրտերում սերմանում եք հայրենասիրություն ու նվիրում, ձեր այսօրվա սաները վաղը կերտելու են մեր երկրի պատմությունը` դառնալով նրա զինվորը, մտավորականը, աշխատավորն ու մշակը: Ձեզ է վերապահված մեր հայրենիքի վաղվա օրվա ձևավորման կարևորագույն առաքելությունը, որը դուք կրում եք անտրտունջ, սիրով ու նվիրումով:
Վեր կանգնելով բոլոր խնդիրներից` դուք այսօր էլ շարունակում եք գիտելիք հաղորդելու, բարին, մարդկայինն ու հայրենանվերը սերմանելու ձեր առաքելությունը:
Անչափ կարևորելով մանկավարժի դերը և գնահատելով ձեր հայրենանվեր աշխատանքը, ցանկանում եմ անկեղծ շնորհակալություն հայտնել ձեր դժվարին և անշահախնդիր աշխատանքի համար՝ մաղթելով առողջություն և անսպառ եռանդ:
ՀԱՄԿ-ի նախագահ Էլեն Մանասերյան
