Հունվարի 14-16-ը Ծաղկաձորում տեղի է ունեցել ‹‹Արհմիութենական այբուբեն և ՀՀ աշխատանքային օրենսգիրք›› խորագրով երկօրյա սեմինար: Միջոցառումը կազմակերպվել էր ‹‹Սոլիդարիթի կենտրոն››-ի հայաստանյան գրասենյակի և ՀԱՄԿ-ի Կազմակերպաուսումնական կենտրոնի համագործակցության շրջանակում:
Սեմինարին մասնակցում էին Հայաստանի կրթության և գիտության աշխատողների հանրապետական ճյուղային միության նախագահ Գրիգոր Ղարիբյանը, ՀՀ Գիտությունների ակադեմիայի և կրթական ոլորտի երիտասարդ արհմիութենականները:
Սեմինարը վարում էր ՀԱՄԿ-ի Կազմակերպաուսումնական կենտրոնի ղեկավար Էլեն Մանասերյանը:
Միջոցառման ընթացքում քննարկվել են արհմիությունների գործառույթներին ու առաքելության, կրթական գործընթացի վրա համավարակի ազդեցության, գիտաշխատողների և ուսուցիչների աշխատանքային իրավունքներին առնչվող հարցեր:
Գրիգոր Ղարիբյանն իր խոսքում շեշտել է նմանօրինակ հանդիպումների կարևորությունը գիտելիքների և լավագույն փորձի փոխանակման տեսանկյունից:
