Նախարարի տեղակալներն իրենց ելույթներում ներկայացրել են առաջիկա երեք տարիների համար նախատեսվող հիմնական նպատակները՝ ընդգծելով սոցիալական պաշտպանության համակարգի արդյունավետության բարձրացման, զբաղվածության խթանման, սոցիալական ծառայությունների հասանելիության ընդլայնման և խոցելի խմբերի աջակցությանն ուղղված միջոցառումների կարևորությունը։ Նրանք անդրադարձել են նաև ոլորտում իրականացվող բարեփոխումներին, արդյունքահեն բյուջետավորման սկզբունքներին և պետական միջոցների նպատակային ու արդյունավետ օգտագործման անհրաժեշտությանը։
Տիրուհի Նազարեթյանը իր խոսքում նշեց, որ արհմիությունների տեսանկյունից սկզբունքային է սոցիալական աշխատողների և խնամքի ծառայություններ մատուցող անձանց որոշ խմբերի աշխատավարձերի բարձրացումը, հատկապես, որ նրանք դառնում են առողջապահական ապահովագրական համակարգի շահառու, նաև ուղղեց որոշ ճշգրտող հարցեր բռնության ենթարկված անձանց և ապաստանների վերաբերյալ ներկայացված վիճակագրական տվյալների մասով։
