Արհեստակցական միությունների գործունեության օրենսդրական դաշտը և միջազգային փորձը: Ուսումնասիրություն

Հայաստանի արհմիությունների կոնֆեդերացիան <Սոլիդարիթի սենթր Հայաստան>   գրասենյակի աջակցությամբ 2022 թ.  մարտ-մայիս  ամիսներին աշխատանքային  իրավունքի փորձագետների կողմից կատարված ուսումնասիրության  արդյունքները ներկայացրեց նոյեմբերի 8-ին Հոլիդեյ Ինն հյուրանոցում տեղի ունեցած քննարկման  ընթացքում:
Ուսումնասիրությունը, որը  վերաբերում էր Հայաստանի Հանրապետությունում  արհմիության գործունեության օրենսդրական  դաշտին  և միջազգային  փորձին  իրականացվել էր փորձագետներ Էլեն Մանասերյանի, Տիրուհի Նազարեթյանի, Աննա Բարիկյանի,  Նարեկ Ներսիսյանի  և Արսեն Իգիթյանի կողմից: 
Միջոցառմանը մասնակցում էին ՀԱՄԿ-ի  նախագահ  Էլեն Մանասերյանը,  տեղակալներ  Բորիս Խարատյանը, Տիրուհի Նազարեթյանը, <Սոլիդարիթի սենթր Հայաստան>   գրասենյակի  ծրագրերի համակարգող Մարիամ Չիբուխչյանը, ՀՀ աշխատանքի  և սոցիալական  հարցերի  նախարարության  ներկայացուցիչ Լուսինե Հարությունյանը, ՀԱՄԿ-ի ճյուղային միությունների  նախագահներ, ՀԿ-ների  ներկայացուցիչներ:
Ուսումնասիրության  մեջ  անդրադարձ էր կատարվել Հայաստանի Հանրապետությունում արհմիությունների գործունեության օրենսդրական խնդիրներին, բացերին  և առաջարկվել  միջազգային  լավագույն  փորձը: Որպես  օրինակ ուսումնասիրվել էր Լատվիայի, Լիտվայի, Ֆինլանդիայի, Շվեդիայի արհմիությունների  գործունեությունը սահմանող  օրենսդրությունը, ինչպես  նաև ոլորտը կարգավորող  միջազգային  մի  շարք  պայմանագրեր,  գնահատական էր  տրվել դրանց համապատասխանությանը ներպետական օրենսդրության հետ :
Ուսումնասիրության արդյունքների ներկայացումից հետո տեղի ունեցավ քննարկում առկա խնդիրների և հնարավոր լուծումների վերաբերյալ, որի արդյունքում ձևավորված առաջարկների մասով համատեղ աշխատելու պայմանավորվածություն ձեռք բերվեց ոլորտային կարևոր փոփոխություններ իրականացնելու նպատակով։  
Նյութը հասանելի է նաև էլեկտրոնային տարբերակով:

Վերջին նորություններ

Հայաստանի արհմիությունների կոնֆեդերացիայի ներկայացուցիչները մասնակցել են Հայաստան-ԵՄ քաղաքացիական հասարակության հարթակի 9-րդ հանդիպմանը

2026 թվականի նոյեմբերի 10-ին տեղի է ունեցել Հայաստան-ԵՄ քաղաքացիական հասարակության հարթակի 9-րդ հանդիպումը, որին մասնակցել են Հայաստանի արհմիությունների կոնֆեդե…
17/11/2026

Արհմիությունների մասնակցությունը տարածաշրջանային կապակցվածության զարգացման քննարկմանը․ առանցքային է արժանապատիվ աշխատանքով ապահովված տնտեսական առաջընթացը

Հայաստանի արհմիությունների կոնֆեդերացիայի Աշխատանքային և սոցիալական իրավունքների պաշտպանության բաժնի իրավաբան Աննա Բարիկյանը մասնակցել է Եվրոպական տնտեսական և ս…
17/11/2026

Կայուն գյուղատնտեսությունը սկսվում է նաև աշխատողների առողջության և իրավունքների պաշտպանությունից

Հոկտեմբերի 20-ին՝ COP17-ի շրջանակում, Հայաստանի արհմիությունների կոնֆեդերացիայի նախաձեռնությամբ Կարեն Դեմիրճյանի անվան մարզահամերգային համալիրում տեղի ունեցավ ա…
21/10/2026

Տեղեկույթ

2026թ. հոկտեմբերի 9-ին՝ ժամը 14:00-ին, Մշակույթի աշխատողների Ճյուղային հանրապետական միությունը ՀԱՄԿ-ի նիստերի դահլիճում հերթական անգամ նշեց ‹‹Ուսո…
20/10/2026
Տեսանյութեր
Սոցիալական գործընկերներ
Միջազգային գործընկերներ