Հարգելի՛ մանկավարժներ, աշակերտներ և ուսանողներ,

Սրտանց շնորհավորում ենք ձեզ Գիտելիքի և Կրթության օրվա առթիվ։

Սեպտեմբերի 1-ը ոչ միայն նոր ուսումնական տարվա մեկնարկն է, այլև նոր պատասխանատվությունների, մտահղացումների և հնարավորությունների սկիզբն է։ Այն նաև  հիշեցում է, որ կրթությունն ու գիտելիքը մշտապես հենարան են մեր երկրի կայուն զարգացման ու հասարակության առաջընթացի համար։

Հայաստանի Արհմիությունների Կոնֆեդերացիան առանձնահատուկ կարևորում է կրթության ոլորտի աշխատողների անփոխարինելի դերը։ Ուսուցիչների, դասախոսների և կրթական համակարգի մյուս մասնագետների շնորհիվ նոր սերունդները ստանում են գիտելիք, ձևավորում արժեքներ և պատրաստվում են ապագայի առջև դրված մարտահրավերներին։

Մենք բարձր ենք գնահատում նրանց ամենօրյա պատասխանատու աշխատանքը, որ պահանջում է համբերություն, հետևողականություն և նվիրում։ Միևնույն ժամանակ գիտակցում ենք նաև աշակերտների և ուսանողների դերը․ նրանց հետաքրքրասիրությունը, ջանասիրությունն ու նպատակասլացությունը այն ուժն են, որով պայմանավորվում է մեր ապագան։

Թող նոր ուսումնական տարին յուրաքանչյուրի համար լինի արդյունավետության, նոր նախաձեռնությունների և մասնագիտական աճի ժամանակաշրջան։ Կրթության ոլորտում մեր բոլորի ջանքերը միտված են այն գաղափարին, որ գիտելիքը շարունակի մնալ հասարակության զարգացման ամենաազդեցիկ գործիքը։

Հայաստանի Արհմիությունների Կոնֆեդերացիա