Տեղեկույթ Հայաստանի մշակույթի աշխատողների արհեստակցական կազմակերպությունների ճյուղային հանրապետական միության կողմից ‹‹Թատրոնի միջազգային օր›› մասնագիտական տոնի կապակցությամբ կազմակերպված ընդունելության մասին, 10.04.2024թ.

 Ս/թ. ապրիլի 10-ին ՀԱՄԿ-ի շենքի թ. 808 դահլիճում տեղի ունեցավ Մշակույթի աշխատողների ճյուղային արհմիությանն անդամակցող թատրոնների ոչ ստեղծագործական անձնակազմերի 2023թ. լավագույն աշխատողների ընդունելություն: Միջոցառմանը մասնակցում էին պատվոգրի արժանացած արհմիության 13 անդամներից 11-ը: Վանաձորի Հովհ. Աբելյանի անվան պետական թատրոնի 2 լավագույն աշխատողների պարգևատրման միջոցառումը գործկոմի որոշմամբ թույլատրվել էր անցկացնել տեղում Վանաձորի մշակույթի աշխատողների տարածքային կազմակերպության կողմից՝ հաշվի առնելով ճանապարհի հեռավորության հետ կապված դժվարությունները:
 Միջոցառմանը մասնակցում էին նաև ՃՀՄ-ի գործկոմի անդամներ, թատրոնների արհկոմների նախագահներ. հրավիրված էին և մասնակցում էին ՀԱՄԿ-ի նախագահ Է. Մանասերյանը և նախագահի տեղակալ Տ. Նազարեթյանը:
 Միջոցառումը բացեց ՃՀՄ-ի նախագահ Է. Սիմոնյանը: Նա ողջունեց և շնորհավորեց ներկաներին ‹‹Թատրոնի միջազգային օր›› մասնագիտական տոնի առթիվ, հակիրճ անդրադարձ կատարեց այդ տոնի ստեղծման պատմությանը: Նշեց, որ մարտի 27-ը ‹‹Թատրոնի միջազգային օր›› հռչակելու որոշումը կայացվել է 1961 թ. Վիեննայում ՅՈՒՆԵՍԿՕ-ին կից Թատրոնի միջազգային ինստիտուտի  9-րդ կոնգրեսի պատվիրակների կողմից: Սակայն առաջին անգամ այն նշվել է 1962թ. Ֆրանսիայում, որից հետո՝ մինչ օրս, շարունակվում է նշվել աշխարհի շատ երկրներում:
 Նշվեց, որ այս տոնի կապակցությամբ ՃՀՄ-ում կազմակերպվող ամենամյա միջոցառումների նպատակը թատրոնների ոչ ստեղծագործական անձնակազմերի համար մարտի 27-ը իսկական տոնի վերածելն է, նրանց մշտական ուշադրության կենտրոնում պահելը, քանի որ, ինչպես թատերական աշխարհի մեծերն են նկատել, թատրոնում երկրորդական , անկարևոր աշխատանքներ չկան. թատրոնն ամբողջական օրգանիզմ է, և նրա աշխատանքի հաջողությունը ապահովվում է բոլոր աշխատողների նվիրական ջանքերի շնորհիվ միայն, և ինչպես Ստանիսլավսկին է ասել ժամանակին. /դեռևս 1933 թ./, թատրոնը սկսվում է հանդիսատեսի առջև դուռը բացելու պահից, որն էլ հետագայում վերածվեց ‹‹Թատրոնը սկսվում է կախիչներից›› հայտնի ասույթին:
Ներկաներին ողջույնի խոսք ասացին և տոնի առթիվ շնորհավորեցին նաև ՀԱՄԿ-ի նախագահ Է. Մանասերյանը և նախագահի տեղակալ Տ. Նազարեթյանը:
 Թատրոնների 2023թ. լավագույն աշխատողները պարգևատրվեցին ՃՀՄ-ի պատվոգրով և տոնական նվերներով:
 Միջոցառումն անցավ ջերմ և համերաշխ մթնոլորտում:
 

Վերջին նորություններ

ՀԱՄԿ-ը հյուրընկալել էր Վրաստանի արհմիությունների կոնֆեդերացիայի պատվիրակությանը

Հայաստանի արհմիությունների կոնֆեդերացիան մայիսի 21-ին հյուրընկալել էր Վրաստանի արհմիությունների կոնֆեդերացիայի պատվիրակությանը՝  կոնֆեդերացիայի նախագահ Իրա…
23/05/2024

Բարի լույս հաղորդաշարի հյուրն է Հայաստանի արհմիությունների կոնֆեդերացիայի նախագահ Էլեն Մանասերյանը

Ամեն տարի մայիսի 1-ին հարյուրավոր երկրներում տոնում են Աշխատավորնեերի միջազգային օրը։ Այն, ինչի համար պայքարում էր բանվոր դասակարգը, տարիներ անց ամրագրվեց օրենք…
01/05/2024
Տեսանյութեր
Սոցիալական գործընկերներ
Միջազգային գործընկերներ